Həsən Məhəmmədi Ədib cümə axşamı İRNA müxbirinə açıqlamasında deyib: “Nirdə yerləşən Şah Abbasi karvansarasının bərpası əməliyyatı ötən il başladı və dünənə kimi bərpa işləri aparılıb. Dünən Ərdəbil valisinin iştirakı ilə işlərin yekunlaşdığı və binanın mədəni istifadəyə verilməsi elan edildi. Karvansaranın bərpa-təmir işləri üçün 550 milyon rial xərclənib.

Mədəni İrs, Turizm və Əl İşləri Nazirliyi İpək Yolu üzərindəki karvansaraların ümumdünya qeydiyyatı üçün tədbirlər görüb. Ərdəbil əyalətindən Nirin Şah Abbasi və Meşkinşəhrin Qanlı Bulaq karvansarası təklif olunmuşdu. Şah Abbasi karvansarası təsdiq edildi, lakin onun qlobal qeydiyyata alınmasının şərti bu tarixi əsərin bərpası idi.”

Məhəmmədi Ədib əlavə edib: “Bu karvansara Səfəvilər dövrünə aiddir. Aidiyyatı nazirliyin izləmələrinə diqqət etməklə, bu ilin sonuna kimi Ərdəbil əyalətindəki Şah Abbasi karvansarasının da olduğu İpək Yolu marşrutu üzərindəki karvansaraların ümumdünya qeydiyyatı işinin tamamlanması gözlənilir.”

İRNA-nın məlumatına görə, dünən Ərdəbil valisi Seyid Hamid Amilinin şəhərlərə səfərinin üçüncü turu çərçivəsində Nir şəhərində Şah Abbasi tarixi karvansarasının bərpası layihəsinin istismarına başlanılıb.

Ərdəbil valisi bu tarixi karvansaranın xüsusi əhəmiyyətinə toxunaraq, turizm və tarixi ərazinin yaradılması üçün uyğun platformanın yaradılması məqsədilə əyalətin Mədəni İrs Baş İdarəsi tərəfindən lazımi tədbirlərin planlaşdırılması və həyata keçirilməsini vurğulayıb.

Qədim tarix və mədəniyyət abidələrinə malik Ərdəbil əyaləti onun inzibati dairəsinə tabe olan 12 şəhərlə İranın şimalında yerləşir. Bu əyalətin tarixi abidələri ən çox ziyarət edilən və turistik ərazilər sırasındadır.