Dünya Şəhərləri Günü ilə eyni vaxtda, Səmərqənddə keçirilən 43-cü YUNESKO Baş Konfransında, YUNESKO-nun İrandakı Milli Komissiyasının baş katibi Həsən Fərtusi tərəfindən YUNESKO Milli Komissiyasının rəhbəri, Elm, Tədqiqat və Texnologiya naziri Hüseyn Simayinin iştirakı ilə Kaşanın "Memarlıq Sahəsində Yaradıcı Şəhər" kimi üzvlüyünə təsdiq elan edildi; bu, davamlı mədəni inkişaf və İran-İslam memarlığı yolunda dönüş nöqtəsi olan bir hadisədir.

Venesuela Bolivar Respublikasının rabitə və informasiya nazirinin müavini Yuxanil Rodriqes İran İslam Respublikasının 12 günlük müharibədəki müqavimətini yüksək qiymətləndirərək bildirib: Əgər Amerika Birləşmiş Ştatları ölkəmizə hücum edərsə, biz də bu ölkəyə qarşı dayanacağıq.

İranın xarici işlər naziri Əraqçi Sudan xarici işlər naziri ilə telefon danışığı zamanı bildirib: Terrorizm və günahsız insanlara qarşı zorakılıq dünyanın istənilən yerində və istənilən formada daim pislənməlidir.

Amerika mediası yazıb ki, bu ölkənin respublikaçı prezidentinin davranışları və mövqeləri Konqresin aralıq seçkilərində demokratların mövqelərinin güclənməsinə səbəb olub.

İran xarici işlər nazirinin siyasi məsələlər üzrə müavini Məcid Təxt Rəvançi Oman səfərini faydalı olduğunu bildirərək deyib: İran Omanlı qardaşları ilə mütəmadi məsləhətləşmələrə böyük önəm verir və Maskatı etibarlı qonşu, həmçinin əsas tərəfdaş hesab edir.

Sionist rejimin baş naziri Benyamin Netanyahu Qətər hökumətindən yaxın çevrəsinə aid şəxslər vasitəsilə böyük məbləğdə vəsait almaqda şübhəli bilinir. Bu məsələ MOSSAD-ın sabiq rəsmilərindən birinin onun dərhal məhkəməyə cəlb olunması tələbi ilə çıxış etməsinə səbəb olub.

Xəbər mənbələri İsrailin Osem şirkətinə sahib olduğu üçün artan sanksiya dalğası ilə üzləşən İsveçrənin Nestle şirkəti (qida sənayesi şirkəti) dünya üzrə 16 min işçisini ixtisar etmək planını açıqlayıb.

 İran Prezidenti Məsud Pezeşkian bu gün, oktyabrın 21-də İraq Milli Təhlükəsizlik müşaviri Qasım əl-Ərci və onu müşayiət edən nümayəndə heyəti ilə görüşüb. O, Tehran–Bağdad münasibətlərinin bütün sahələrdə inkişaf etdirilməsinin əhəmiyyətini vurğulayıb.

İranın qızlardan ibarət Kabaddi komandası Bəhreyndə keçirilən Gənclərin Asiya Oyunlarında finala yüksəlib.

 Azərbaycan Respublikasının Prezidenti İlham Əliyev bəyan edib: Ölkəsi Ermənistana malların tranziti ilə bağlı bütün məhdudiyyətləri aradan qaldırıb.

"Allah Allah" günbəzi Şeyx Səfiəddin Ərdəbilinin məqbərəsinin ən görkəmli hissələrindən biri və sufi mədəniyyətində mistik atmosfer və zikr simvoludur. Bu abidə özünün bənzərsiz memarlığı və dini bəzəkləri ilə Səfəvi sənətinin əzəmətinin təzahürü hesab olunur, tamaşaçıların və turistlərin diqqətini cəlb edir.

Şərqi Azərbaycan vilayətində yerləşən tarixi və unikal qaya kəndi Kəndovan, dünyanın ən nadir turizm məkanlarından biridir. Bu kəndin bənzəri dünyada çox azdır. Elə buna görə də Ümumdünya Turizm Təşkilatının (UNWTO) diqqətini cəlb edib və 2 il əvvəl həmin təşkilat tərəfindən dünyanın ən yaxşı turizm kəndlərindən biri seçilib. Hazırda isə Kəndovanın YUNESKO-nun dünya irsi siyahısına daxil edilməsi istiqamətində işlər aparılır.