İRNA-nın məlumatına görə, sadə yaşamaq, inqilabdan əvvəl və sonra müxtəlif dövrlərdə İmam Xomeyniyə (r) dəstək, İslam İnqilabının ideallarına bağlılıq və möhkəm inam, İnqilabın lehinə və əleyhinə olan bütün qrupları bir araya gətirməyə təlaş etmək, şəhadəttələb olmaq və İslam İnqilabının and içmiş düşmənləri ilə mübarizə şəhid Mədəninin aydın ictimai və siyasi özəlliklərindən sayılırdı. Elə bu xüsusiyyətlərinə görə də müxtəlif xalq qrupları arasında yüksək mövqe və bazaya malik idi.

Ayətullah Mədəni hicri-şəmsi 1293-cü ildə (m.1914) Şərqi Azərbaycanın Azərşəhr şəhərinin kəndlərindən birində anadan olmuşdur. O, yeniyetməlik illərinin əvvəllərində Quma getdi, müqəddimə dərslərini bitirdikdən sonra dörd il İmam Xomeyninin (r) hüzurunda fiqh və üsul dərslərini öyrəndi.

Ayətullah Mədəni haqda söz açan höccətül-islam vəl-müslimin Məhəmmədəli Ali-Haşim onu İslam dəyərlərinə əməl edən bir alim adlandıraraq deyib: “Şəhid Mədəni özünü vəliyyi-fəqihə itaətkar hesab edirdi və hamını da vəliyyi-fəqihə itaət etməyə çağırırdı. Müsəlmanların birliyi və vəhdəti, siyasi fəaliyyətlərdə İslam standartlarına riayət edilməsi, sosial ədalətin genişləndirilməsi və iqtisadi müstəqilliyə diqqət şəhid Mədəni tərəfindən daim vurğulanırdı.”

O, əlavə edib: “Ayətullah Mədəni İslam hökumətinin ədalətini vurğulayırdı və bu hökumətin insanlara öz məqsədlərinə daha tez çatmağa kömək edəcəyinə inanırdı.”Höccətül-İslam Ali-Haşim Ayətullah Mədəninin hər zaman dinlə bağlı narahatlığına və buna görə də həmişə əməl meydanında olduğunu diqqətə çatdıraraq deyib: “O, İslam hərəkatı dövründə fəal mübarizlər və qabaqcıl inqilabçılar arasında olmuş, İslam İnqilabının qələbəsindən sonra da müxtəlif vəzifələrdə çalışaraq öz vəzifəsini yerinə yetirmişdi və canını ixlasla din və vətən uğrunda vermişdir.”

O, qeyd edib ki, Ayətullah Mədəni cəmiyyət və ümmətin birliyi məsələsinə ciddi diqqət yetirirdi, bu məsələnin həssaslığını yaxşı başa düşür və hiss edirdi, bu səbəbdən siyasi fəaliyyətin İslam standartlarına və hökmlərinə uyğun olmasının vacibliyinə inanırdı.

İmam Xomeyni (r) Ayətullah Mədəninin şəhadəti münasibəti ilə başsağlığı müraciətində vurğulamışdır: “Möhtərəm seyyid, çox dəyərli adil alim, əxlaq və mənəviyyat müəllimi, höccətül-islam vəl-müslimin, uca məqamlı şəhid mərhum Hacı Seyyid Əsədullah Mədəni -rizvanullahi əleyh- öz hörmətli cəddi kimi münafiq mənfur münafiqlərin əli ilə ibadət mehrabında şəhid oldu. Əgər müttəqilərin mövlasının şəhadəti ilə İslam və müsəlmanlar məhv olubsa, onun əziz övladı şəhid Mədəni kimilərin şəhadəti ilə də münafiqlərin istəkləri yerinə yetər.”

Ayətullah Mədəni sentyabrın 20-si günorta təqribən saat 13:40-da cümə namazını bitirdikdən sonra ayaq üstə Təbriz ruhanilərindən biri ilə söhbət edərkən sual soruşmaq bəhanəsi ilə ona tərəf gedən və özünü onu qucaqlayırmış kimi göstərən naməlum şəxsin qumbara partlaması ilə terror edildi və şəhid oldu.