“Qətər geyt” qalmaqalının siyasi, təhlükəsizlik və media sahəsindəki təsirləri hələ də sionist rejimin gündəmindən çıxmayıb. MOSSAD-ın keçmiş İqtisadi Mübarizə və Maliyyə Kəşfiyyatı İdarəsinin rəhbəri Udi Levi bu işin araşdırılmasının vacibliyini vurğulayıb. O bildirib ki, Benyamin Netanyahu bu cinayət işi üzrə əsas ittiham olunan şəxsdir.

Udi Levi İsrail radiosuna açıqlamasında deyib: Qətərdən Netanyahunun yaxınlarına verilən rüşvət işində yüksək vəzifəli şəxslərin adları hallanır, lakin onlarla bağlı heç bir əlaqə saxlanılmayıb. Netanyahular ailəsinin iqtisadi imperiyası barədə çoxlu məlumat var, amma bu imperiyanın maliyyə mənbələri barədə heç kim araşdırma aparmayıb.

Təhlükəsizlik orqanlarında təxminən otuz il fəaliyyət göstərmiş Levi əlavə edib: Baş nazir (Netanyahu) bu cür araşdırmanın aparılmasından ciddi şəkildə qorxur. Netanyahunun rüşvət alması məsələsi yalnız Qətərlə məhdudlaşmır. Bu istiqamətdə aparılacaq istənilən araşdırma onun vəzifədən getməsi ilə nəticələnə, həmçinin həyat yoldaşı və böyük oğlu Yair üçün də ciddi problemlər yarada bilər.