İran İslam Respublikasının Azərbaycan Respublikasındakı səfiri bildirib ki, İranla qonşuları arasında münaqişə regiondankənar düşmənlərin casusluq xidmətlərinin proqramıdır.

Səfir Seyid Abbas Musəvi bununla bağlı X sosial şəbəkəsi üzərindən etdiyi paylaşımda yazıb: İran və onun qonşuları arasında istənilən münaqişə və ixtilaf regiondankənar düşmənlərin çoxdankı istəyi və onların casusluq xidmətlərinin proqramıdır.

Diplomat sonra qeyd edib: “Bu il də İnqilab Rəhbəri növbəti dəfə olaraq 13-cü hökumətin qonşu ölkələrlə bağlı “strateji, rasional və müdrik” siyasətini təsdiqlədi və münaqişəni əməkdaşlığa çevirməyi vurğuladı. Beləliklə də İran və onun qonşuları arasında istənilən münaqişə və fikir ayrılığı regiondankənar düşmənlərin çoxdankı istəyi və onların casusluq xidmətlərinin proqramıdır”.