Əhməd Həmzəzadə bazar günü İRNA müxbirinə açıqlamasında qeyd edib ki, bu müddət ərzində əyalətin mehmanxana və yerləşdirmə məkanlarında qeydiyyatdan keçmiş 130 min yerin sayı rəsmi olaraq qeydə alınıb.

Yuxarıda qeyd olunan yerlərin sayına əyaltdə ən azı bir gecə qalmanın daxil olduğuna diqqət çəkən Baş direktor deyib: “Yuxarıdakı statistik məlumatlar Şərqi Azərbaycan yollarında hərəkət statistikası əsasında deyil və buraya müxtəlif ölkələrdən əyalətə daxil olan və bu əyalətdə bir neçə gün qalan, tarixi və mənzərəli mərkəzləri ziyarət edənlər daxildir.”

Həmzəzadə turizm diplomatiyasına diqqəti 13-cü hökumətin mədəni və sosial sahələrdə mühüm prioritetlərindən biri hesab edib, koronanın çətin dövrünü keçdikdən sonra ən mühüm iqtisadi sahədə dərin dəyişikliklərin və transformasiyaların şahidi olduğumuzu vurğulayaraq, həvəsləndirici siyasətlər və turizm infrastrukturuna investisiyaların cəlb edilməsinin son 2 ildə əhəmiyyətli dərəcədə artdığını deyib.

O, ölkənin əsas inkişaf proqramlarının turizm əsasında hazırlanmasının hökumətin mühüm yanaşmalarından biri olduğunu bildirərək deyib: “13-cü hökumətin işə başlamasından sonrakı illər ərzində turizm marjinal problemdən hökumətin planlarının mətninə və prinsipinə qayıtdı. Bu da, turizm sahəsində mühüm inkişaflar vəd edir.”

Gəlirli və iqtisadiyyat yönümlü turizm sənayesinin istənilən kəmiyyət və keyfiyyət inkişafı üçün infrastrukturları zəruri hesab edən Həmzəzadə deyib: “Şərqi Azərbaycan çoxsaylı və nadir sivilizasiya, mədəni, tarixi abidələri və turizm məkanlarına diqqət etməklə, bu istiqamətdə müsbət və təsirli tədbirlərə başlamışdır ki, onların davamı və möhkəmlənməsi regionun iqtisadiyyatında çox böyük dəyişikliklərə və inkişaflara səbəb ola bilər.”

O, müxtəlif tipli və dərəcəli otellər, mənzil mehmanxanaları, iqamətgahlar, ara məskənlər və ekoturizm, turizm komplekslərinin tikilməsini və Şərqi Azərbaycan Mədəni İrs, Əl İşləri və Turizm Baş İdarəsinin mərkəzi missiyaları sırasında bu yerlərin keyfiyyətinin yaxşılaşdırılmasına xüsusi diqqət yetirdiyini vurğulayıb, Baş idarənin turizm sənayesinin inkişafı, yerli və xarici turistlərin cəlb edilməsi istiqamətində layihə və proqramlarının həyata keçirilməsində medianın əməkdaşlığını və köməklik göstərməsini xahiş edib.

Həmzəzadə Şərqi Azərbaycana gələn turistlərin ən çox Türkiyə, Rusiya, Azərbaycan, Tatarıstan, İraq, Ermənistan, Yaponiya, Çin və Tacikistandan olduğunu açıqlayaraq deyib: “Son 2 il ərzində bu əyalətə 60 ölkədən turist gəlib və qalıb.”