İran prezidenti Məsud Pezeşkiyanın “Birləşmiş Millətlər Təşkilatının Məqsədlərinin Gücləndirilməsi” toplantısındakı çıxışının ən mühüm məqamları bunlardır:

- Biz heç bir ilkin şərt olmadan nüvə silahlarından təmizlənmiş dünya və Yaxın Şərqdə kütləvi qırğın silahlarından təmizlənmiş bir region istəyirik.
- Terrorun qurbanı olaraq biz bu bədbəxt hadisəyə qarşı mübarizədə həmişə öncül olmuşuq və terrorizmə qarşı həqiqi mübarizə ardınca olan ölkələrlə əməkdaşlığa hazırıq.
- İran iqtisadi və sosial tərəqqi və ümumi problemlərin həlli istiqamətində region ölkələrinin resurslarının sinerji üçün istifadə olunduğu güclü, vahid, təhlükəsiz və sabit region istəyir.
- Qəzzada dinc əhalinin vəhşicəsinə öldürüldüyü, kor dövlət terrorunun uşaqları və qadınları məhv etdiyi, soyqırım və terrorun dəstəkləndiyi bir dünyada heç bir sənəd sülh və inkişafa zəmanət verməyəcək.
- İşğala son qoyulması, Fələstində aparteidə son qoyulması və Qəzzada dərhal atəşkəs dünyada inkişaf və sülh üçün ilkin şərtlərdir.
- Sülh və inkişafa nail olmaq ölkələrin inkişaf hüququna hörmət etməyi, inkişaf prioritetlərinə və mədəni xüsusiyyətlərə diqqət yetirməyi, ədalətlilik prinsiplərinə riayət etməyi və inkişaf etmiş ölkələrin inkişaf etməkdə olan ölkələr qarşısında öhdəliklərini yerinə yetirməyi tələb edir.
- Birtərəfli sanksiyalar dayanıqlı inkişaf məqsədlərinə nail olmağı dayandırdı və bu fakt gələcək üçün hazırlanan istənilən sənədə daxil edilməlidir.
- Mən təklif edirəm ki, Birləşmiş Millətlər Təşkilatının baş katibi sanksiyaların qurbanı olan ölkələrin iştirakı ilə Baş Assambleyaya geniş hesabat təqdim etsin.
- İnkişaf etməkdə olan ölkələrin qərar qəbul etmə prosesində iştirakını təmin etmək və bu ölkələrin maliyyə problemlərini həll etmək üçün ədalətli və hesabatlı strukturun formalaşdırılması üçün idarəetmə strukturunda və beynəlxalq maliyyə institutlarında təcili islahatların aparılmasını tələb edirik.
- İnternetin və süni intellektin idarə olunmasında cənub ölkələrinin səmərəli iştirakı, ölkələrin milli qanunlarına hörmətlə yanaşması və inhisarçılıqla mübarizə aparılması danılmaz zərurətdir.