Müqəddəs müdafiə həftəsinin beşinci günündə bir qrup şəhid ailələri, sənətçilər, yazıçılar, yardım işçiləri, qazilər və müqəddəs müdafiə fəalları bu səhər (çərşənbə) İmam Xomeyni (r.ə.) Hüseyniyyəsində İslam İnqilabının Rəhbəri Ayətullah Xamenei ilə görüşüblər. 

  Onun çıxışının əsas məqamları aşağıdakılardır: 

- İslam Respublikası bu yalançı nizam qarşısında yeni söz idi. Dünyanın tiranları, dünya hökmdarları buna dözmürdülər. Bilirdilər ki, bu sözün, bu fikrin dünyada inkişaf etmək xüsusiyyəti var. Düzgün başa düşmüşdülər və inkişaf etdi, bu düşüncə dünyada inkişaf etdi və xalqları özünə cəlb etdi.  

- Bu gün bəziləri öz içimizdən İslam Respublikasını günahlandırırlar ki, İslam Respublikası dünya ilə pis rəftar edir və dünyaya qəzəblidir; Bu, reallığın əksidir, belə bir şey yoxdur. Dünya ilə siyasi işimiz, iqtisadi işimiz, qarşılıqlı əlaqəmiz və gediş-gəlişimiz olmadığını nəzərdə tutulursa, bu, reallığın açıq-aşkar əksidir.  

- Bu gün biz dünya əhalisinin yarıdan çoxunun bu təşkilatlarda, bu ölkələrdə yaşadığı təşkilatlarla işləyirik. Səyahət edirik, qarşılıqlı əlaqə saxlayırıq, iş görürük. Yox, bəzən “Ağa, hamıya küsmüşük, hamı ilə pisik” deyən bəzi adamlardan görünən oyunbazlıqlar var. Yox, biz hamıya küsməmişik, pis deyilik.  

- Əgər nəzərdə tutulan budursa, bu doğru deyil. Əgər "biz hegemon sisteminin siyasi nizamına qarşıyıq" mənasındadırsa, bəli, bu doğrudur. İnqilabın əvvəlində olduğu kimi, bu gün də biz hegemonluq sisteminin əleyhinəyik. Biz Amerikanın hegemonluğuna qarşıyıq. 

- Artıq bu gün Sovet İttifaqı mövcud deyil; Amma, Amerika qərb ölkələrinin başındadır.  Biz onların əməllərinin nəticəsini, gedən müharibələri, baş verən vəhşilikləri, ayrı-seçkiliyi, təzyiq altında olan xalqları görürük, bunların əleyhinəyik. Biz öz etirazımızı açıq şəkildə bildiririk.  

- Bu gün İrana qarşı tətbiq edilən müharibəyə bənzər hadisəni Fələstində və Livanda görmək olar. 

- Qəzzəyə görə sinəsini sipər edən və acı hadisələrə məruz qalan Livan Hizbullahı Allah yolunda cihad edir. 

- Bu döyüşdə kafir və xəbis düşmən ən çox texnikaya malikdir. 

- Amerika düşmənin arxasındadır. Amerika həm xəbərdardır, həm də iştirak edir. Amerikanın sionist rejimin qələbəsinə ehtiyacı var. 

- Qarşıdan gələn seçkilərdə sionist rejimi dəstəklədiyini göstərmək üçün hazırkı Amerika hökumətinin bu qələbəyə ehtiyacı var. 

- Amma, sonda qalib olan Fələstin müqaviməti və Livan Hizbullahıdır. 

- Sionist rejim Hizbullahın bəzi dəyərli və təsirli üzvlərini şəhid etdi, lakin Hizbullahın təşkilati və insani gücü bu şəhadətlərdən ciddi şəkildə təsirlənməkdən qat-qat artıqdır. 

- Şəriətin qəti hökmü budur ki, Fələstini və Əl-Əqsa məscidini müsəlmanlara və onun ilkin sahiblərinə qaytarmağa cəhd etmək və kömək etmək hər kəsə vacibdir. Burada ilahi bir hərəkət baş verməkdədir; Fələstin və Qəzza xalqı sözün əsl mənasında Allah rizası üçün vuruşur.