11-ci Bakı Beynəlxalq Kitab Sərgi-Yarmarkası çərşənbə günü (2 oktyabr 2025) başladı. Bu mədəni tədbirin ilk günündə İran İslam Respublikasının pavilyonu müxtəlif ölkələrdən bir qrup diplomat və tanınmış mədəniyyət xadimlərini qəbul edib.

Bu pavilyonun qonaqları arasında Qətər, Rusiya və Venesuelanın Azərbaycan Respublikasındakı səfirləri, Azərbaycan Milli Məclisinin Mədəniyyət Komitəsinin sədri və bu ölkənin Yazıçılar Birliyinin sədri İran pavilyonunda iştirak edərək İran ədəbi və tədqiqat əsərləri ilə yaxından tanış olmuşlar.

İran İslam Respublikasının Bakıdakı səfiri Müctəba Dəmirçilunun iştirak etdiyi bu görüşlərdə qonaqlar İranın mədəni zənginliyinə və nümayiş etdirilən kitabların müxtəlifliyinə heyranlıqla yanaşı, bəzi əsərləri vərəqləyərək bunların xalqlar arasında mədəni əlaqələrin möhkəmləndirilməsində rolunu vurğulamışlar. Ziyarətçilər həmçinin İranı mədəniyyət və ədəbiyyat sahəsində regionun aparıcı ölkələrindən biri kimi dəyərləndiriblər və ölkənin Bakı sərgisində fəal iştirakını mədəni diplomatiya və xalqlar arasında konstruktiv qarşılıqlı fəaliyyətin təzahürü kimi qiymətləndiriblər.