İran İslam Respublikasının Xarici İşlər naziri Seyid Abbas Əraqçi Nyu-Yorkda Baş Assambleyanın iclası çərçivəsində fəaliyyətinin ikinci günündə məlumat təqdim edib.

O, sosial şəbəkədəki şəxsi səhifəsində keçirdiyi görüşlərin hesabatını təqdim edərək yazıb: “Livanın Xarici İşlər naziri cənab Abdullah Buhəbib ilə görüşdə Livanın cənubundakı son vəziyyət və sionist rejimin bu ölkəyə qarşı terror hücumlarının ölçülərini müzakirə etdik. Livanın sionist rejimin vəhşiliyinə qarşı müqavimətini tərifəlayiq adlandırdım. İran İslam Respublikasının bu qəhrəmancasına müqaviməti dəstəklədiyini bəyan etdim, sülh və sabitliyin bu ölkəyə qayıtmasının, habelə sionist rejimin beynəlxalq norma və qanunlara qarşı üsyanını dayandırmaq üçün təcili qlobal hərəkətinin zəruriliyini vurğuladım.”

Ölkənin diplomatiya qurumunun rəhbəri əlavə edib: “Səudiyyə Ərəbistanının Xarici İşlər naziri cənab Feysəl bin Fərhan ilə görüşdə bu ölkənin milli günü münasibətilə təbrik etməklə yanaşı, regional və beynəlxalq ikitərəfli münasibətlərin və əməkdaşlığın dərinləşdirilməsini vurğuladım. Həmçinin Qəzzə və Livanda baş verən proseslər araşdırılaraq sionist rejimin təcavüzü ilə mübarizə üçün İslam ölkələri arasında koordinasiyanın zəruriliyi vurğulandı.”

Əraqçi bildirib: “Özbəkistan və Bolqarıstanın xarici işlər nazirləri ilə də görüşdə ikitərəfli münasibətlərin müxtəlif aspektlərdə inkişaf etdirilməsi, beynəlxalq və regional təşkilatlarda əməkdaşlığın genişləndirilməsi yolları qiymətləndirildi. Bu görüşlərdə də Fələstin və Livan məsələsi ən mühüm mövzulardan biri oldu.”